Qazaqstannyń desanttyq–shabýyldaý áskerlerinde biyl kelgen jas ofitserler men serjanttardyń oqý-ádistemelik jiyny bastaldy, dep habarlaidy "Ult aqparat".
Olar Qazaqstandaǵy jáne shet elderdegi ártúrli áskeri oqý oryndarynyń túlekteri.
Oqý-jattyǵý jiynynyń negizgi maqsaty - leitenanttar men serjanttardyń kásibi deńgeiin kóterý, qosymsha bilim men praktikalyq daǵdylaryn qalyptastyrý.
Desanttyq-shabýyldaý áskerleriniń qolbasshysy general-maior Qanysh Ábýbákirov áskeri qyzmetshilermen kezdesip, desanttyq – shabýyldaý áskeriniń mindetteri týraly aityp berdi. Jeke qurammen jumys kezindegi negizgi baǵytty usyndy.
Alǵashqy kúnnen bastap jas ofitserler men serjanttarǵa jaýyngerlik daiyndyq sabaqtary ótip jatyr.
«Men bala kezimnen men desantshy bolýdy armandadym. Endi mine armanym oryndaldy. Desantshy bolý ońai emes, temirdei tártipke, buiyryqqa úirený qajet. Men barlyq qiyndyqtardy jeńýge daiynmyn», - dedi Qurlyq áskerleriniń Áskeri institýtynyń túlegi, leitenant Raiymbek Amangeldi.
