Desanttyq-shabýyl áskeriniń podpolkovnigi Zakir Karachev buryn qylmystyq jaýapkershilikke tartylǵan azamattyń qolynan qarýyn tartyp alyp, politsiia qyzmetkerlerine tapsyrdy, dep habarlaidy QazAqparat QR Qorǵanys ministrliginiń baspasóz qyzmetine silteme jasap.
Áskeri qyzmetkerdiń aitýynsha, dál sol kúni jaqyn dosynyń úiine qonaqqa barypty. Otyrys endi qyza bastaǵanda, esiktiń qońyraýy shyryldaidy. Úidiń iesi esikti ashyp, baspaldaq alańqaiyna shyǵyp ketken. Syrttan jetken daýystardyń qatty estile bastaǵanyn baiqaǵan podpolkovnik Karachev dosynyń artyna dalaǵa shyǵyp oǵan belgisiz bireýdiń tapansha kezenip turǵanyn baiqaidy. Jyldam qimyldaǵan desantshy qaraqshynyń qolyndaǵy tapanshany qaǵyp túsiredi. Biraq ol ekinshi qolymen qaltasynan granata shyǵaryp úlgergen edi. Áskeri qyzmetshi ony qolymen qysyp, qoian-qoltyq urys aila-tásilin qoldanyp, shabýyl jasaǵan adamnyń qolynan sýyq qarýdy julyp aldy. Er adam qatty qarsylyq kórsetkendikten ony politsiia qyzmetkerleri kelgenge deiin bailap tastaýǵa týra keldi.
Keiinnen Almaly aýdandyq IIB-de ustalǵan adamda tapansha men granatadan basqa gaz ballony, báki jáne 200 dollarlyq qoldan jasalǵan aqsha bolǵany anyqtaldy. Budan buryn ol urlyq pen buzaqylyq úshin ustalǵan. Tergeý kezinde qylmyskerdiń esikten jańylysqany anyqtaldy.
«Árine, meniń boiymdy úrei biledi, biraq, ózim úshin qoryqqan joqpyn. Men otbasylarymyz úshin alańdadym. Páterde áielderimiz ben bala-shaǵamyz qaldy. Eger de biz shaqyrylmaǵan qonaqty qarýsyzdandyrmaǵanda, olarǵa úlken qaýip tóner edi», - deidi podpolkovnik Zákir Qarashev.
Bul desantshy áskeri qyzmetshiler arasyndaǵy alǵashqy batyl áreket emes. Esterińizge sala ketsek, byltyr efreitor Daniiar Eshaidarov óziniń ómirine qaýip tóndire otyryp, tas jolda kólik basyp kete jazdaǵan eki jasar balany qutqaryp qalǵan bolatyn. Al kishi serjant Ǵalymjan Áliýhanov órttengen páterdiń ishinen eki balany aman-esen alyp shyqty.
