Senattyń jalpy otyrysynda depýtat Bekbolat Orynbekov Úkimetke joldaǵan saýalynda Jambyl oblysyndaǵy birqatar problemalardy tizip shyqty, dep habarlaidy "Ult aqparat".
Depýtattyń aitýynsha, memlekettik kepildikpen halyqaralyq qarjy uiymdarynan qarajatyn tartý arqyly birneshe qalada kárizdik tazartý imarattaryn salý jáne rekonstrýktsiialaý jobasy josparlanǵan. Alaida, tehnikalyq-ekonomikalyq negizdemesi ázirlengen birinshi rettik qalalar tizimine 400 myńǵa jýyq turǵyny bar Jambyl oblysynyń ortalyǵy Taraz qalasy kirmei qalǵan.
Qalalyq káriz jelisine sonymen birge sarqyndy sýlardy aǵyzatyn turǵyn úi qurylystary men ónerkásip kásiporyndarynyń qaldyqtary qosylady. Al bul súzý alańdaryna shamadan tys qysym týǵyzyp, gidravlikalyq aýyrtpalyqqa ákelip soǵady. Osynyń saldarynan jer asty sýlary lastanyp barady. Bul Jambyl aýdanynyń jaqyn mańdaǵy Birlesý-Eńbek, Qostobe, Órnek, Ernazar, Tastóbe atty bes eldi mekeniniń turǵyndaryn aýyz sýdan aiyryp, aýyl sharýashylyǵy alqaptaryn batpaqqa ainaldyrdy, al eldi mekenderdi sý basatyn boldy.
«Osynyń bárin eskere kelip, atalǵan máseleniń Jambyl oblysy turǵyndarynyń turmys-tirshiligine jáne ekologiialyq turǵydan mańyzdylyǵyn eskere otyryp, ony tezdetip sheshý úshin Taraz qalasyn káriz-tazartý ǵimaratyn salý josparynyń 1 kezeńine qosýǵa qoldaý kórsetýińizdi suraimyz», - dedi Bekbolat Orynbekov.
