Almatydaǵy Ulttyq memlekettik kitap palatasyn jańa ǵimaratqa kóshirý qajet. Bul týraly Májilis depýtaty Maqpal Tájmaǵametova aitty, dep habarlaidy QazAqparat.
«El Prezidenti Qasym-Jomart Toqaev óz Joldaýynda «Qoǵamdy uiystyrý, ulttyq biregeilikti nyǵaitý isinde elimizdiń tarihi murasyn jáne mádeni áleýetin tiimdi paidalanýǵa mán beriledi» degen edi. Nur Otan partiiasy da mádeni qundylyqtarymyzdyń saqtalýy men órkendeýin únemi qoldaidy. Osyǵan orai saýalymyzǵa negiz bolǵan naqty másele - Mádeniet jáne sport ministrligine qarasty Ulttyq memlekettik kitap palatasynyń búgingi tańdaǵy múshkil halin aitpaqpyn. Bul mekeme – memlekettiń tarihy men ult rýhaniiaty úshin asa mańyzdy mekeme. Búginde Ulttyq memlekettik kitap palatasynyń Baspasóz muraǵatynda alty millionǵa jýyq kitaptar men gazet-jýrnaldardyń mindetti danasy saqtaýly tur. Eń kóne jádigerlerdiń shyqqan ýaqyty 1890 jyldarǵa tiesili», - dedi Maqpal Tájmaǵametova QR Premer-Ministriniń orynbasary Eraly Toǵjanovqa depýtattyq saýal joldaǵan.
Onyń dereginshe, Ulttyq memlekettik kitap palatasy Almaty qalasy, Pýshkin kóshesi 2-úi mekenjaiynda ornalasqan. Ǵimarattyń birinshi qabatynda mekeme qyzmetkerleri otyrsa, muraǵat qory osy ǵimarattyń janyndaǵy úsh qabatty úide ornalasqan shaǵyn qoimada saqtaýly. Munda muraǵatpen qatar qaptaǵan saýda oryndary, ashana men monsha da bar. Qarama-qarsy bette janarmai beketi jumys istep tur. Budan bólek, muraǵatqa qyzmetkerler de, izdenýshiler de jumysy saiabyrsymaityn bazar ústimen ótedi.
«Kóktemde erigen sý da mekeme úshin úlken másele bolyp otyr. Mekeme qyzmetkerleri mundai ýaqyttarda qural-saimanyn alyp qar kúreidi, sý aqqan tustardy bekitedi. Degenmen, ylǵaldy temperatýra, syz jáne bý, ashana qaldyqtaryna ósh kemirýshilerdiń qaǵaz ónimderine barynsha keri áserin tigizip jatqany aitpasa da túsinikti. Úsh jyl buryn muraǵatpen irgeles ornalasqan monshadan órt shyǵyp, mundaǵy alty millionǵa jýyq qundy kitaptar bir qaterden qalǵan. Tótenshe jaǵdai dabyl qaqsa da, qam-qareketsiz júrmiz. Mundai nemquraidylyqpen ǵasyrlyq tarihy bar qundy kitaptarymyzdan aiyrylyp qalýymyz múmkin», - dedi ol.
Májilis depýtatynyń atap ótýinshe, Halyqaralyq standart boiynsha qaǵaz ónimderiniń eń uzaq saqtalatyn ýaqyty – 200 jyl. Eki ǵasyrdan astam ýaqyt asa mańyzdy tarihi jádigerlerdi saqtaý úshin muraǵat ǵimaratynda qajetti tehnikalardyń, himiialyq qospalardyń, turaqty temperatýrany qamtamasyz etetin qurylǵylardyń bolýy shart. Muraǵat standarttaryna sáikes jaǵdai jasalmaǵandyqtan, mundai apattardyń oryn alýy ábden múmkin. Bul másele buǵan deiin birneshe ret kóterilgenimen, óz kezeńinde sheshilmegen.
«Almaty qalasynyń ákimdiginen mekemeni kóshirýge qajetti orynnyń joqtyǵy týraly jaýap ta kelgen. Osy máselege qatysty kelesini usynamyn. Birinshiden, trihi, ǵylymi, áleýmettik, ekonomikalyq, saiasi, mádeni respýblikalyq mańyzy bar kitaphanalar men kitap palatasynyń jalpyǵa qol jetimdiligin qamtamasyz etý úshin, bul mekemelerdiń túgeldei tehnikalyq jaǵdaiy rettelýi kerek. Ekinshiden, memlekettik mekemelerdi, kitaphanalardy jáne halyqty bibliografiialyq aqparatpen, shejiremen, anyqtamalyqtarmen qamtamasyz etetin kitap palatasynyń muraǵat qoryn saqtaýdy jiti nazarda ustaý qajet. Muraǵat isin jetildirý, materialdyq-tehnikalyq bazasyn jańǵyrtý isi talapqa sai júrgizilýi abzal. Sondyqtan da Ulttyq memlekettik kitap palatasy tez arada qaýipsiz jerge kóshirilip, sapaly deńgeide jumysyn jalǵastyrýy tiis», - dedi Maqpal Tájmaǵametova.
