© REUTERS / ADNAN ABIDI
Densaýlyq saqtaý ministrligi JRVI jáne tumaý aýrýlarynyń kóbeiýine bailanysty Qazaqstan halqyna úndeý jasady. Qazaqstandyqtarǵa qaitadan betperde kiip, adam kóp jinalatyn jerlerge barmaýǵa keńes beriledi, - dep habarlaidy Tengrinews.kz.
Vedomstvo málimetinshe, elde JRVI jáne tumaý aýrýlarynyń maýsymdyq ósýi baiqalady.
"Epidemiialyq maýsym bastalǵannan beri, iaǵni 2022 jyldyń 1 qazanynan beri jiti respiratorlyq virýs infektsiialarynyń 2,1 million jaǵdaiy tirkeldi, onyń 65,5 paiyzy 14 jasqa deiingi balalar. Sondai-aq, tumaýdyń zerthanalyq rastalǵan 1834 jaǵdaiy tirkeldi, onyń ishinde 14 jasqa deiingi balalar arasynda – 717", - dedi Densaýlyq saqtaý ministrligi ókilderi.
Elimizde tumaýǵa qarsy "Grippol pliýs" vaktsinasynyń 2 282 824 dozasy satyp alynǵany habarlandy. Respýblikada tumaýǵa qarsy 2 413 330 adam nemese respýblika halqynyń 12,7 paiyzy ekpe alǵan.
Tumaý, JRVI jáne koronavirýs infektsiiasynyń aldyn alý maqsatynda Densaýlyq saqtaý ministrligi mynalardy usynady:
- Maska men antiseptikterdi qoldaný.
- Adamdar kóp jinalatyn oryndarǵa barýdy, aýrý adamdarmen qarym-qatynasty shekteý.
- Úi-jailardy jeldetip, jii ylǵaldy tazalaý júrgizý.
- Dereý meditsinalyq kómekke júginý.
