2021 jyly densaýlyq saqtaý salasyndaǵy táýelsiz sarapshylar institýtyn akkreditteý protsedýrasy jetildiriledi.
Bul týraly búgin QR Densaýlyq saqtaý ministrliginiń keńeitilgen alqa otyrysynda vedomstvo basshysy Aleksei Tsoi aitty, dep habarlaidy QazAqparat.
«2021 jyly densaýlyq saqtaý salasyndaǵy táýelsiz sarapshylar institýtyn akkreditteý protsedýrasyn jetildirýdi qamtamasyz etýdi josparlap otyrmyz. COVID-19-ǵa shaldyqqan patsientterge meditsinalyq kómek kórsetetin meditsinalyq uiymdardyń daiyndyǵyn baǵalaý turaqty negizde júzege asyrylady. 2020-2025 jyldarǵa arnalǵan Farmatsevtikalyq jáne meditsinalyq ónerkásipti damytý jónindegi keshendi jospardy júzege asyrý jalǵasady. Dárilik zattardy ulttyq tirkeýden EAEO erejelerimen tirkeýge kóshý, sonymen qatar EAEO aiasynda farmatsevtikalyq inspektsiiany júzege asyrý josparlanyp otyr», - dedi ministr.
Onyń atap ótýinshe, densaýlyq saqtaý júiesiniń yqtimal tegeýirinderge daiyndyǵyn qamtamasyz etý úshin kórsetiletin meditsinalyq qyzmetterdiń sapasyn arttyrý is-sharalary qabyldanyp jatyr. Osy maqsatta densaýlyq saqtaý sýbektileriniń meditsinalyq qyzmet kórsetý salasyna baqylaý kúsheitildi.
«Sonymen qatar dárilik zattar men meditsinalyq buiymdar ainalymy salasynda da baqylaý kúsheitilip otyr», - dedi Aleksei Tsoi.
