Nur-Sultan qalasynyń Ekonomikalyq tergeý departamenti Densaýlyq saqtaý ministrligi janyndaǵy sharýashylyq júrgizý quqyǵyna ie respýblikalyq memlekettik kásiporyndardyń biriniń ǵimaratyn jóndeý kezinde biýdjet qarajatyn urlaý faktisi boiynsha qylmystyq isti tergeýge aldy, dep habarlaidy QazAqparat.
Departamenttiń baspasóz qyzmetiniń málimdeýinshe, jóndeý jumystaryn memlekettik satyp alý týraly shart aiasynda elordalyq JShS-niń biri júrgizgen. Jedel-izdestirý is-sharalary jumystardyń tolyq kólemde oryndalmaǵany ashqan. Al oryndalǵan jumystardyń aktilerine qol qoiylyp, merdigerge jumys aqysy tolyq kólemde tólenip ketken.
«Qylmystyq Kodekstiń 189-baby 3-bóliginiń 1-tarmaǵy (senip tapsyrylǵan bóten múlikti iri mólsherde iemdenip alý nemese talan-tarajǵa salý) boiynsha tergeý júrgiziledi. Qylmystyq is júrgizý tártibi boiynsha, sotqa deiingi tergep-tekserýdiń ózge de derekteri tergeý múddesine orai jariia etilmeidi», - delingen resmi málimette.
