QR densaýlyq saqtaý vitse-ministri Ajar Ǵiniiat jedel járdem qyzmetkerleri shaqyrtý túsken jaǵdaida jaǵymsyz jaǵdailarmen jii kezdesip jatqanyn málim etti, dep habarlaidy QazAqparat.
«Jedel járdem qyzmetiniń meditsina qyzmetkerleri shaqyrtýlar kezinde jaǵymsyz emotsiialyq jaǵdailarmen kóp kezdesedi. Olar óte joǵary fizikalyq jáne psihikalyq jaǵdaida jumys istep jatyr. Shaqyrtýlar boiynsha qyzmet kórsetý deńgeii birinshi kezekte patsientterdiń jaǵdaiynyń aýyrlyǵyna bailanysty anyqtalady. Sondyqtan meditsinalyq qyzmetkerlerge renjimei, óz kezekterińizdi kútkenderińiz durys», - dedi ol OKQ-da ótken baspasóz máslihatynda.
Ajar Ǵiniiattyń aitýynsha, testileýdi júrgizý tóńiregindegi daýly jaǵdai PTR-test tapshylyǵyna bailanysty emes. Osy ýaqytqa deiin Qazaqstanda 1,5 mln test júrgizilgen.
«Odan bólek qosymsha 1,2 mln test satylyp alynýda. Azamattardyń kópshiligi bir mezgilde júgingen jaǵdaida PTR-analizatorlary bar 56 zerthananyń ótkizý qabileti jetkiliksiz bolyp otyr. Osyǵan bailanysty kezek qalyptasyp qalady. Osy jyly tamyz aiynyń sońyna deiin 20 PTR-analizator satylyp alynyp, zerthanalar sany kóbeiedi. Testileý dárigerlerdiń keńesi boiynsha ótkizilýi tiis», - dedi ol.
