Elektron temeki shegý saldary qaterli isikke, táýeldilikke jáne tipti ólimge ákelýi múmkin. Nikotinsiz suiyqtyqtyń ózi qaýipti. Bul týraly Tengrinews.kz tilshisine Densaýlyq saqtaý ministrligi Meditsinalyq kómekti uiymdastyrý departamenti ókilderi aitty.
Dárigerlerdiń aitýynsha, klinikalyq zertteýler elektron temeki densaýlyqqa qaýipti ekenin kórsetken.
"Suiyqtyq temperatýrasy kóterilgen kezde bý shyǵarýǵa arnalǵan jylytý qurylǵysy erin men aýyzdyń shyryshty qabyǵynyń, sondai-aq tynys alý joldarynyń kúiip qalýyna ákeledi. Suiyqtyq quramyna kiretin diatsetil temeki shegý, tynys alý joldarynyń shyryshty qabyǵyn zaqymdaidy, onyń saldary obliteratsiialanatyn bronhit bolýy múmkin. Nikotin suiyqtyǵy psihoaktiv zattyń barlyq áserine ie, sonymen qatar júrektiń, ortalyq júike júiesiniń jáne ókpeniń jumysyn buzady. Tynys alý joldarynyń aýrýlary paida bolady: kómei, ókpe, aýyz qýysy, til, erin isigi, ókpeniń sozylmaly obstrýktiv aýrýy jáne t.b." - dedi departament ókilderi.
Uiym jasóspirimder arasynda elektron temekiniń tanymal bolýy nikotinge táýeldiliktiń erte qalyptasýyna ákeletinin, sondyqtan veip temekige balama emes ekenin aitty
"Veip úirengen adam nikotin dozasyn qabyldaýdy jalǵastyrady, biraq azyraq kólemde. Táýeldilik joiylmaidy. Jaman ádetten arylýǵa tyrysqanda, ony dereý jáne tolyǵymen tastaý kerek. Nikotin turaqty fizikalyq jáne psihikalyq táýeldilikti (bipoliarlyq buzylys, depressiia) qalyptastyratyn neirotoksinder men alkaloidtarǵa jatady", - dedi Densaýlyq saqtaý ministrligi ókilderi.
Sondai-aq, departament quramynda nikotini joq suiyqtyqtar ziiany týraly eskertti.
"Eger adam nikotin qospai veip qoldanýǵa tyryssa, onda ýaqyt óte kele onyń turaqty temeki shegýge degen qushtarlyǵy paida bolady. Amerikalyq táýeldilikti zertteý ortalyǵynyń sarapshylarynyń aitýynsha, nikotinsiz nusqasy veipterge psihologiialyq táýeldilikti týdyrady. Ol kádimgi temekige táýeldilik jaǵdaiyndaǵy siiaqty, temeki shegý múmkin bolmaǵan kezde qumarlyqty, alańdaýshylyqty, kóńil kúidiń ózgerýin qamtidy. Táýeldilikti anyqtaý úshin amerikalyq ortalyq dárigerleri 11 belgini eskeredi, olardyń birinshisi - temekini paidalaný. Eger jyl ishinde 11-den kem degende eki belgi paida bolsa, onda bul nashaqorlyq bar ekenin kórsetedi", - dep qosty Densaýlyq saqtaý ministrligi ókili.
Veip suiyqtyq quramynda antiseptik, glitserin, hosh iistendirgishter, boiaǵyshtar retinde propilenglikol bar ekeni aityldy.
"Suiyqtyqty qyzdyratyn dárejede bý paida bolady, al himiialyq zattardyń qospasy qyzdyrylǵanda kantserogendik qasietke ie ziian qosylystar paida bolady", - dep qorytyndylady dárigerler.
