Densaýlyq saqtaý ministriniń mindetin atqarýshy Lázzat Aqtaeva koronavirýs infektsiiasyn juqtyrǵan azamattarǵa meditsinalyq kómek qalai uiymdastyrylǵanyn aityp berdi, dep habarlaidy "Ult aqparat".
«Koronavirýs infektsiiasy boiynsha kúdikpen túsetinderdi ornalastyrýǵa arnalǵan infektsiialyq jáne provizorlyq tósek oryndar qarastyrylǵan. Al infektsiialyq statsionarlarǵa koronavirýs infektsiiasy rastalǵan azamattar jatqyzylady. Qazirgi tańda ol baǵytta 35 226 tósek oryn bar. Onyń 37 paiyzy bos emes. 63 paiyzy – bos. Infektsiialyq statsionarlarda qazirgi tańda 7 544 infektsiialyq tósek orynnyń 75 paiyzynda adam jatyr. Al infektsiialyq statsionarlarda 373 jansaqtaý tósek orny qarastyrylǵan. Olardyń úshten birinde koronavirýsty aýyr kóterip jatqan azamattar jatyr. Elde ókpeni jasandy jeldetýdiń 3 294 statsinarlyq apparaty bar. Ótkir másele týyndaǵan jaǵdaida olar infektsiialyq statsionarlardaǵy jansaqtaý bólimderine taratylady», - dedi Lázzat Aqtaeva OKQ-da ótken baspasóz máslihatynda.
Onyń aitýynsha, koronavirýs infektsiiasy boiynsha kúdikpen túsetinder ornalastyratyn provizorlyq statsionarlarda 7 236 provizorlyq tósek oryn bar.
«Qurmetti halaiyq! Karantindik, epidemiiaǵa qarsy sharalardy qatań saqtaýǵa shaqyramyz. Adam kóp jinalatyn oryndarǵa barmańyzdar. Jaqyndaryńyzdy aparmańyzdar. JRVI belgileri anyqtalǵan jaǵdaida jedel járdemge nemese ýchaskelik dárigerge habarlasý kerek. Balalar men sozylmaly aýrýlary bar qarttarǵa qarailaý kerek», - dedi Lázzat Aqtaeva.
