QR DSM Sanitariialyq-epidemiologiialyq baqylaý komitetiniń juqpaly aýrýlardy epidemiologiialyq qadaǵalaý basqarmasynyń basshysy Roza Qojapova halyqty aldaǵy merekelerde saqtyq sharalaryn esten shyǵarmaýǵa shaqyrdy, dep habarlaidy QazAqparat.
«Qurmetti qazaqstandyqtar! Kele jatqan Táýelsizdik meiramymen quttyqtai otyryp, uzaq demalys kúnderi baryn eskere kele sizderdi halyq kóp jinalatyn oryndarǵa barmaýǵa, ujymdyq is-sharalardy ótkizbeýge jáne olarǵa qatyspaýǵa, koronavirýs infektsiiasyn juqtyrýdyń aldyn alý sharalaryn saqtaýǵa, mindetti túrde maska taǵyp, áleýmettik qashyqtyq pen gigiena talaptaryn saqtaýǵa, quttyqtaý úshin qashyqtan bailanys quraldaryn paidalanýǵa shaqyramyn», - dedi dedi Roza Qojapova Ortalyq kommýnikatsiialar qyzmetinde ótken baspasóz máslihatynda.
Onyń aitýynsha oqý jyly bastalǵaly beri 2 884 oqýshy koronavirýs infektsiiasyn juqtyrǵan. Onyń ishinde kezekshi synyptarda oqityn balalar arasynda 818 jaǵdai, qashyqtan bilim alatyn balalardyń arasynda 2 066 jaǵdai tirkelgen.
