Jandos Búrkitbaev densaýlyq saqtaý ministri mindetin atqarady, dep habarlaidy "Ult aqparat".
"Densaýlyq saqtaý ministriniń mindetin atqarý densaýlyq saqtaý vitse-ministri Jandos Qonysuly Búrkitbaevqa júktelsin", - delingen Premer-ministr qol qoiǵan qujatta.
Aita keteiik, 20 jeltoqsanda Memleket basshysy Qasym-Jomart Toqaev Aleksei Tsoidy Densaýlyq saqtaý ministri qyzmetinen bosatý týraly Jarlyqqa qol qoidy.
Sodan keiin atalǵan ministrliktiń baspasóz qyzmeti Tsoidyń óz erkimen qyzmetinen bosatylǵanyn aitty.
Al Aleksei Tsoi áleýmettik jelide jazba jariialap, densaýlyq saqtaý salasyn ǵylym men áleýmettik bastamalar arqyly damytýdy qolǵa alatynyn málimdedi.
Jandos Búrkitbaev 1971 jyldyń 27 aqpanynda Jambyl oblysy, Talas aýdanynyń Aqkól selosynda dúniege kelgen.
1996 jyly "Emdeý isi" mamandyǵy boiynsha Asfendiiarov atyndaǵy Almaty Memlekettik meditsina ýniversitetin, 2003 jyly "Memlekettik jáne jergilikti basqarý" mamandyǵy boiynsha Lev Gýmilev atyndaǵy Eýraziia ulttyq ýniversitetin, 2007 jyly "Farmatsiia" mamandyǵy boiynsha Ońtústik Qazaqstan meditsina akademiiasyn bitirgen.
Eńbek jolyn 1996 jyly Almaty qalasyndaǵy qalalyq klinikalyq aýrýhanasynyń jedel meditsinalyq kómek kórsetý dárigerinen bastaǵan.
Ár jyldarda Almaty qalasynyń Apattar meditsinasy respýblikalyq ortalyǵynyń dárigeri, Qazaqstan Respýblikasy Densaýlyq saqtaý ministrliginiń Bilim jáne ǵylym basqarmasynyń bas mamany, Qazaqstan Respýblikasy Densaýlyq saqtaý ministrliginiń Dárilik saiasat, meditsinalyq jáne farmatsevtikalyq óndiristi damytý, uiymdastyrý-baqylaý jumystary bóliminiń bas mamany, Qazaqstan Respýblikasy Densaýlyq saqtaý ministrliginiń Meditsinalyq jáne farmatsevtikalyq óndiris jáne aqparattyq – analitikalyq qoldaý bóliminiń bastyǵy, Qazaqstan Respýblikasy Densaýlyq saqtaý ministrliginiń Farmatsevtikalyq jáne meditsinalyq óndiristi jáne dárilik saiasatty damytý basqarmasynyń bastyǵy, Qazaqstan Respýblikasy Parlament Májilisiniń Áleýmettik-mádeni damý boiynsha komitetiniń Qyzmetti qamtamasyz etý bólimi meńgerýshisiniń orynbasary, "Aqtóberentgen" AQ basshylyǵynyń quramynda qyzmet atqarǵan.
2008 jyly Astana qalasynyń "Qan ortalyǵy" ShJQ QKK basshysy bolyp taǵaiyndaldy.
Memleket basshysynyń Jarlyǵymen "Qazaqstan Respýblikasynyń Táýelsizdigine - 25 jyl" merekelik medalimen, belsendi qaiyrymdylyq qyzmeti jáne meiirimdiligi úshin "Shapaǵat" medalimen marapattaldy.
"Densaýlyq saqtaý isine qosqan úlesi úshin", "Qazaqstan Respýblikasy densaýlyq saqtaý isiniń úzdigi" tósbelgileriniń iegeri.
