Densaýlyq saqtaý ministri Aleksei Tsoi biryńǵai distribiýtordyń tumaýǵa qarsy 2 mln 199 myń 990 vaktsina satyp alǵanyn málim etti, dep habarlaidy "Ult aqparat".
«Qazirgi ýaqytta elde zerthanalyq zertteý (koronavirýsty anyqtaityn test) deńgeii elde táýligine 40 myńǵa deiin jetkizildi. Sonymen qatar, búgingi kúni óńirlerdegi 11 veterinarlyq zerthana ashylyp, olar da 20 myńǵa tarta zertteý jasap úlgerdi. Pandemiianyń kezekti tolqynyna daiyndalý maqsatynda jyldyń sońyna deiin zerthanalyq zertteýdiń táýliktik mólsherin 63 myńǵa deiin jetkizý kózdelip otyr», - dedi Aleksei Tsoi Úkimet otyrysynda.
Ministrdiń aitýynsha JRVI men tumaýdyń órshitin ýaqyty kele jatyr.
«Osy epidemiologiialyq kezeńde biryńǵai distribiýtor tumaýǵa qarsy 2 mln 199 myń 990 vaktsina satyp alyp qoidy. Bul mólsher – jalpy halyqtyń 11 paiyzyn qamtýǵa jol ashady», - degen ministr ekpe jumystary júrek qan tamyrlary men tynys alý joldarynda sozylmaly aýrýlary bar adamdarǵa, jii aýyratyn balalarǵa, bilim berý uiymdaryndaǵy balalarǵa, ata-anasynyń qaraýynsyz qalǵan balalarǵa, meditsinalyq qyzmetkerlerge salynatynyn jetkizdi.
