دەنساۋلىق ساقتاۋ مينيسترٸ الەكسەي تسوي بٸرىڭعاي ديستريبيۋتوردىڭ تۇماۋعا قارسى 2 ملن 199 مىڭ 990 ۆاكتسينا ساتىپ العانىن مەلٸم ەتتٸ, دەپ حابارلايدى "ۇلت اقپارات".
«قازٸرگٸ ۋاقىتتا ەلدە زەرتحانالىق زەرتتەۋ (كوروناۆيرۋستى انىقتايتىن تەست) دەڭگەيٸ ەلدە تەۋلٸگٸنە 40 مىڭعا دەيٸن جەتكٸزٸلدٸ. سونىمەن قاتار, بٷگٸنگٸ كٷنٸ ٶڭٸرلەردەگٸ 11 ۆەتەرينارلىق زەرتحانا اشىلىپ, ولار دا 20 مىڭعا تارتا زەرتتەۋ جاساپ ٷلگەردٸ. پاندەمييانىڭ كەزەكتٸ تولقىنىنا دايىندالۋ ماقساتىندا جىلدىڭ سوڭىنا دەيٸن زەرتحانالىق زەرتتەۋدٸڭ تەۋلٸكتٸك مٶلشەرٸن 63 مىڭعا دەيٸن جەتكٸزۋ كٶزدەلٸپ وتىر», - دەدٸ الەكسەي تسوي ٷكٸمەت وتىرىسىندا.
مينيستردٸڭ ايتۋىنشا جرۆي مەن تۇماۋدىڭ ٶرشيتٸن ۋاقىتى كەلە جاتىر.
«وسى ەپيدەميولوگييالىق كەزەڭدە بٸرىڭعاي ديستريبيۋتور تۇماۋعا قارسى 2 ملن 199 مىڭ 990 ۆاكتسينا ساتىپ الىپ قويدى. بۇل مٶلشەر – جالپى حالىقتىڭ 11 پايىزىن قامتۋعا جول اشادى», - دەگەن مينيستر ەكپە جۇمىستارى جٷرەك قان تامىرلارى مەن تىنىس الۋ جولدارىندا سوزىلمالى اۋرۋلارى بار ادامدارعا, جيٸ اۋىراتىن بالالارعا, بٸلٸم بەرۋ ۇيىمدارىنداعى بالالارعا, اتا-اناسىنىڭ قاراۋىنسىز قالعان بالالارعا, مەديتسينالىق قىزمەتكەرلەرگە سالىناتىنىن جەتكٸزدٸ.
