«Bizdiń Denis» kitabynyń elektrondyq nusqasy Mádeniet jáne sport ministrliginiń resmi saitynda jariialanǵan bolatyn. Ministrliktiń baspasóz qyzmeti usynǵan málimetke sáikes, bir aidyń ishinde elektrondy kitapty 1 million adam júktep alǵan, dep habarlaidy QazAqparat tilshisi.
Kitapty júktep alýshylardyń ishinde Qazaqstan (30 paiyz), Resei (15 paiyz), Qyrǵyzstan ( 8 paiyz), Ońtústik Koreia (13 paiyz), Ózbekstan (6 paiyz), Frantsiia (8 paiyz), Amerika (10 paiyz), Túrkiia ( 3 paiyz), Italiia ( 4 paiyz), Kanada (3 paiyz) jáne taǵy basqa elderdiń azamattary bar.
Aita keteiik, QR Mádeniet jáne sport ministrliginiń tapsyrysy boiynsha QR Ulttyq Akademiialyq kitaphanasy qazaqstandyq tanymal mánerlep syrǵanaýshy Denis Tenniń qaza tabýyna bailanysty «Bizdiń Denis» dep atalatyn kitap shyǵarǵan edi. Kitapta sportshynyń ómirbaiany, jarqyn suhbattary, sondai-aq el, otbasy jáne ómir týraly aitylǵan pikirleri keltirilgen. Onda Denistiń sirek kezdesetin jáne jarystar men ártúrli is-sharalardan estelik fotosýretteri, sondai-aq álemdik jáne qazaqstandyq juldyzdardyń estelikteri bar.
Eske sala ketsek, buǵan deiin «Bizdiń Denis» kitabynyń elektrondyq nusqasy QR Mádeniet jáne sport ministrliginiń saitynda jariialanǵan bolatyn.
