Deni saý adam fidiia sadaqasyn berip, orazannyń paryzynan qutyla almaidy. Bul týraly Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly aitty, dep habarlaidy "Ult aqparat".
«Jalpy, dinde fidiia sadaqa degen bar. Bul rette mynaǵan jaqsylap nazar aýdarýlaryńyzdy suraimyn. Keide túsinbei, oraza ustamaǵan adam qarajat berse bola ma dep jatady. Olai emes, negizi oraza - densaýlyǵy durys, baliǵat jasqa tolǵan árbir adamǵa mindettelgen qulshylyq. Kim baliǵat jasyna tolsa, densaýlyǵy jarasa, ózi orazasyn ustaýy kerek. Fidiia sadaqasy bir jaǵdaida ǵana beriledi. Iaǵni, oraza ustaýǵa densaýlyǵyńyz jaramai qalsa nemese jasyńyz ulǵaiyp, álsiregen kezde bolsańyz, fidiia sadaqasyn beresiz. Onda da jaǵdaiyńyz kelse ǵana. Demek deni saý adam fidiia sadaqasyn berip, orazada qutyldym deýine bolmaidy», - dedi Naýryzbai qajy Taǵanuly Ortalyq kommýnikatsiialar qyzmetindegi brifing barysynda.
