Búgingi tańda «Astana EKSPO-2017» Ulttyq kompaniiasy» AQ sheteldik jáne qazaqstandyq seriktestermen 125,5 mln. eýro kólemindegi demeýshilik qujattar men memorandýmdarǵa qol qoidy. Bul týraly basqarma tóraǵasy Ahmetjan Esimov QR akkredittelgen diplomatiialyq ókilderimen kezdesýinen soń belgili boldy.
Seriktester quramynda belgili halyqaralyq kompaniialar bar. Olar: Konsortsiým «NCOC», «Shell», «Cisco», «General Electrics», «Samsung», «Rosatom», «Coca-Cola» jáne t.b.
Sonymen qatar «EKSPO-2017» basshysy dúniejúzi boiynsha aýqymdy jarnama jumystarynyń júrgizilip jatqanyn jetkizdi. Nasihat jumystaryn amerikalyq «Burson Marsteller» kompaniiasy óz moiynyna aldy. Boljam boiynsha 2017 jyldyń sońyna deiin bul iske 900 mln. adam atsalysatyn bolady.
Sondai-aq Esimov «EHRO-2017» kórmesine qonaqtardy tartý úshin úlken is-sharalar qolǵa alynyp jatqanyn aitty. «Dál qazir sheteldik eriktilerdi irikteitin qosymsha baiqaýlar ótkizilip jatyr. Barlyq adamdardy óz qalaýy boiynsha kórmeniń qurmetti eriktisi bolýǵa shaqyramyz», - deidi Ulttyq kompaniia basshysy.
Kórme Astan qalasynja 2017 jyldyń 10 maýsymy men 10 qyrkúiek aralyǵynda ótedi. Oǵan 100-den asa memleket qatysady dep kútilýde. Uiymdastyrýshylardyń oiynsha EKSPO-ny 2 million qonaq, odan bólek 5 million kelip-ketýshi kóredi dep boljaidy.
