Demalys kúnderi Qazaqstanda aýa temperatýrasy kóterilip, qar jaýady, kei jerlerde jel kúsheiip, burqasyn bolýy múmkin, dep habarlaidy "Ult aqparat" Qazgidrometke silteme jasap.
Sinoptikterdiń aitýynsha, Qazaqstan aýmaǵyna Qara teńiz aimaǵynan jyljyp kele jatqan aýa aǵyndarynyń yqpalymen Sibir antitsiklony álsirep, respýblikanyń basym bóliginde aýa temperatýrasy kóteriledi. Batys jáne soltústik-batys óńirlerde qar jaýyp, kei jerlerde burqasyn bolýy múmkin ári jel kúsheie túsedi.
Qazaqstannyń ońtústik, ońtústik-shyǵys jáne shyǵys oblystaryna ońtústik tsiklony yqpal etýine bailanysty, kei jerlerde qar jaýyp, burqasyn bolýy múmkin. Batystan kúshti jel soǵyp, ońtústik jáne ońtústik-shyǵys óńirlerge tuman túsedi, kóktaiǵaq bolýy yqtimal
