Aldaǵy úsh kúnde Qazaqstannyń barlyq derlik bóligi joǵary atmosferalyq qysym áserinde bolyp, jaýyn-shashynsyz aýa raiy kútiledi. Bul týraly "Ult aqparat" Qazgidrometke silteme jasap habarlaidy.
Tek Shyǵys Qazaqstan oblysy ǵana biiktiktegi jylǵanyń áserinde qalyp, onda 22 mamyr kúni azdaǵan jaýyn-shashyn men túnde qatqaq saqtalady. Iran aýdandarynan jyly jáne qurǵaq aýa massalary belsendi jyljyp, olarmen birge elimizde aýa temperatýrasynyń birtindep joǵarylaýy, tipti qatty ystyq kún raiy kútilip otyr.
24 mamyr kúni kúndiz termometr baǵanasy 30-38 gradýs ystyqty kórsetedi, elimizdiń ońtústik-shyǵys, shǵys jáne ortalyq bóliginde kún 25-35 gradýsqa deiin ysidy. Respýblikanyń jekelegen aýdandarynda jel kúsheiýi yqtimal, al ońtústik aimaqtarda shańdy daýyl soǵady.
