"Qazgidromet" sinoptikteri 25-27 maýsymǵa arnalǵan aýa raiy boljamyn usyndy, - dep habarlaidy "Ult aqparat".
"Soltústik-batys tsiklonynyń tereń jyrasy jáne onymen bailanysty frontaldi bulttylyq alqaptary ózimen birge qysqa merzimdi jańbyr, naizaǵai, qatty jel men burshaqty ala keledi. Tek elimizdiń batys jáne soltústik-batys óńirleri ǵana skandinaviialyq antitsiklon jotasynyń áserin sezinedi. Osylaisha bult seiilip, jańbyr toqtaidy. Ońtústikte shańdy daýyl kútiledi", - delingen habarlamada.
Kúndiz batysta +25 gradýstan +35 gradýsqa deiin, soltústikte +25 gradýstan +33 gradýsqa deiin, ortalyqta +30 gradýstan +37 gradýsqa deiin, shyǵysta +27 gradýstan +37 gradýsqa deiin, ońtústikte +40 gradýstan 45 gradýsqa deiin qatty ystyq bolady.
Iri qalalardaǵy aýa raiy
Erteń elordada kóshpeli bult shyǵady. Kúndiz +35 gradýs, túnde 22 gradýs jyly. Jeksenbide kúndiz pliýs 32, túnde +22 gradýs.
Almatyda senbide naizaǵai oinap, ótkinshi jańbyr jaýady. Kúndiz +33, túnde 22 gradýs jyly. 26 maýsymda ótkinshi jaýyn jaýady, kúndiz +37, túnde +22 gradýs.
25 maýsymda Shymkentte kúndiz +39, túnde +20. Jeksenbide +40, túnde +22 gradýs.
