Qazgidromet mamandary 9-11 shildege arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, atmosferalyq frontal bólikter áserinen respýblikanyń barlyq aýmaǵynda turaqsyz aýa raiy saqtalady. Naizaǵai bolady, jel kúsheiedi, burshaq jaýýy múmkin.
"Elimizdiń ońtústik-batysy men ońtústiginde shańdy daýyl, soltústiginde, soltústik-batysynda túnde jáne tańerteń tuman kútiledi.
Aýa temperatýrasy kúndiz batysta +30+38 gradýs, ońtústik-batysta + 30+41 gradýs, soltústik-batysta + 22+33 gradýs, soltústikte, ortalyqta +22+30 gradýs, shyǵysta aýa temperatýrasy + 17+25 gradýstan +23+31 gradýsqa deiin, ońtústik-shyǵysta +20+29 gradýstan +23+32 gradýsqa deiin joǵarylaidy dep boljanǵan, eldiń ońtústiginde aýa temperatýrasy +27+35 gradýs bolady dep kútiledi", - delingen habarlamada.
