Aldaǵy demalys kúnderi Almatyda saýda oiyn saýyq ortalyqtary men saýda úileri jabylady, dep habarlaidy "Ult aqparat".
Almaty qalasynyń bas memlekettik sanitar dárigeri Jandarbek Bekshinniń 10 naýryzda shyqqan qaýlysyna sáikes, demalys kúnderi, iaǵni, senbi jáne jeksenbi kúnderi qalada sport keshenderi, sport-saýyqtyrý ortalyqtary men fitnes-ortalyqtar, sondai-aq, saýda oiyn saýyq ortalyqtary, saýda úileri men saýda jelileriniń qyzmetine tyiym salynǵan.
Ashyq bazarlarǵa (azyq-túlik satatyn jáne azyq-túlik satpaityn) tek jeksenbide jumys isteýge tyiym salyndy.
Sýpermarketter men gipermarketterdiń jumys ýaqyty saǵat 06:00-den 02:00-ge deiin shekteldi.
Sondai-aq, qaladaǵy epidemiologiialyq ahýaldyń kúrt nasharlaýyna bailanysty jáne koronavirýs infektsiiasynyń odan ári taralýyn boldyrmaý maqsatynda aldaǵy demalys kúnderi, iaǵni, 13 jáne 14 naýryzda, qoǵamdyq kóliktiń, onyń ishinde, metropolitenniń jumysy ýaqytsha toqtaidy.
Qoǵamdyq kólik jumysy dúisenbi, 15 naýryz kúni josparly túrde qaita jandanady.
