Úndistannyń Joǵarǵy soty jergilikti jáne federaldy bilikti Delidegi tútinmen kúresý úshin eshteńe istemeidi dep aiyptady, dep jazady VVS.
Mamandardyń aitýynsha, Delidegi aýanyń quramyndaǵy densaýlyqqa ziiandy ýlradisperlik PM2.5 bólshekteri qalypty normadan on ese kóp.
«Qala biligi tek avtokólikterdiń júrýin shektegen. Jup sanyna sáikes kúnde qalada nómiri jup sanyna aiaqtalatyn kólikter, al taq kúnderi sáikesinshe taq sandy nómiri bar kólikter júre alady. Deli jyl saiyn tunshyǵady jáne biz eshteńe istei almai otyrmyz. Memleket eshteńe istemei, bar kináni basqalarǵa artyp jatyr. Bilik tek sailaý týraly oilaidy, al qabyldaǵan sharalary tek qaǵaz úshin jasalǵan», - dedi Joǵarǵy sot múshesi Arýn Misha.
Sarapshylar da avtokólikterden shyǵatyn gazdyń Delidegi tútinge áseri az ekenin aitqan. Al meditsina mamandary qala turǵyndaryn úiden shyqpaýǵa, dene jattyǵýyn jasamaýǵa keńes berdi.
