Dúniejúzilik densaýlyq saqtaý uiymy tirkegen vaktsinalardy satyp alý jedeldetiledi. Bul týraly Úkimet otyrysynda QR Ulttyq ekonomika ministri Áset Erǵaliev málim etti, dep habarlaidy QazAqparat.
Ministrdiń aitýynsha, Prezident Joldaýyn iske asyrý jalpyulttyq josparynyń ekinshi baǵytynda 8 is-sharany iske asyrý kózdelgen. Atap aitqanda, Dúniejúzilik densaýlyq saqtaý uiymy tirkegen vaktsinalardy satyp alý jedeldetiledi. Meditsinalyq buiymdarǵa zerthanalyq jáne tehnikalyq synaqtar júrgizý ortalyǵyn qurý kózdeledi.
«Deni saý ult» ulttyq jobasy aiasyna keminde 12 sanitariialyq-epidemiologiialyq saraptama zerthanasy joǵary tehnologiialyq jabdyqpen qamtamasyz etiledi. Otandyq taýar óndirýshilermen offteik-kelisimsharttardyń kólemi men nomenklatýrasy keńeitiletin bolady», - dedi Áset Erǵaliev.
