Dúniejúzilik densaýlyq saqtaý uiymynyń málimeti boiynsha, 2020 jyldyń aiaǵynda koronavirýstan kóz jumǵandar sany kem degende 3 million adamdy qurady. Alaida kóz jumǵandar sany bul resmi málimetke qaraǵanda 1,2 millionǵa kóp, dep habarlaidy VVS.
Dúniejúzilik densaýlyq saqtaý uiymynyń sarapshylary ózderiniń kezekti jyldyq esebinde ólim jaǵdailarynyń naqty kórsetkishteri resmi málimetterge qaraǵanda eki-úsh ese joǵary bolýy múmkin degen qorytyndyǵa keldi.
DDSU keibir elder kóz jumǵandar sanyn júieli jáne naqty baǵalai almaitynyna nazar aýdarady, sondyqtan olar boljamdy esepteýlermen olqylyqtardy toltyrýǵa májbúr. Olardy ártúrli statistikalyq ádisterdi qoldana otyryp, sarapshylardyń pikiri men naqty derekterdi qoldana otyryp jasaidy.
Ólim jaǵdailarynyń sanyn neǵurlym dáiekti etý úshin DDSU Sovid-19-dan, onyń ishinde infektsiianyń janama áserinen bolǵan ólim jaǵdailaryn baǵalaýdyń jalpy ádisterin jasaityn arnaiy keńesshiler tobyn qurdy. Toptyń quramyna álemniń ár túrli elderinen jetekshi demograftar, epidemiologtar, derekter jáne statistika boiynsha mamandar kirdi.
Sarapshylar aimaqtyq erekshelikterdi eskere otyryp, ár el úshin esepteý modelin jasady jáne 2020 jyly tirkelmegen ólim jaǵdailarynyń sany Soltústik jáne Ońtústik Amerikada 1,34-1,46 mln, al Eýropada 1,11-1,21 mln. Sáikesinshe resmi málimetterden 60% jáne 50%-ǵa joǵary. AQSh ótken jyldyń naýryzynan bastap 570 myńnan astam adam kóz jumǵany habarlady, biraq is júzinde Vashington ýniversitetiniń málimeti boiynsha 900 myńǵa jýyq. Úndistandaǵy naqty statistika resmi derekterge qaraǵanda úsh ese joǵary.
