Ótken aptada koronavirýs juqtyrý oqiǵalarynyń sany boiynsha jańa rekord ornatylǵan, dep habarlaidy "Ult aqparat" Dúniejúzilik densaýlyq saqtaý uiymyna silteme jasap.
Uiym júrgizgen sanaq boiynsha, sońǵy jeti kúnniń ishinde COVID-19 ǵalamshardyń 4,6 mln astam turǵynynan anyqtalǵan. Bul ótken aptamen salystyrǵanda 6 paiyz kóp.
«COVID-19 virýsyna shaldyǵý jáne odan qaitys bolý jańa oqiǵalarynyń sany ótken aptada tiisinshe 6 paiyz jáne 4 paiyzǵa ósti», - delingen DDSU málimdemesinde.
Sońǵy aptada aýrý juqtyrýdyń eń kóp oqiǵasy AQSh-ta (1,6 mln, +14%), Braziliiada (326 myń, +8%), Túrkiiada (194 myń, +11%) jáne Reseide (194 myń, +18%). Aýrý juqtyrý oqiǵalarynyń eń kóp úlesi Amerika elderinde, bul rette Eýropa apta ishinde tirkelgen ólim oqiǵalarynyń sany jaǵynan kósh bastap tur.
Uiymnyń júrgizgen esebi boiynsha, álemde koronavirýs juqtyrýdyń 75 mln astam jaǵdaiy jáne 1,6 mln astam ólim oqiǵasy tirkelgen. Álemde virýs taralýynyń statistikasyn júrgizetin Djons Hopkins ýniversiteti bolsa, virýs juqtyrǵan 77,8 mln jáne qaitys bolǵan 1,7 mln adam týraly málimet berdi.
