Ótken aptada Dúniejúzilik densaýlyq saqtaý uiymy álemde koronavirýsqa shaldyǵý deńgeii 15 paiyzǵa tómendegenin málim etti. Bul týraly DDSU habarlady.
Uiym saitynda jariialanatyn biýlletenge sáikes, ótken aptada álemde virýsqa shaldyǵýdyń 3 millionnan astam deregi (3 016 005) men odan qaitys bolýdyń 73 myńnan astam jaǵdaiy tirkelgen. DDSU málimetinshe, aýyr virýstan ólim-jitim oqiǵalarynyń sany da 8 paiyzǵa azaiǵan.
Virýsqa shaldyǵý deńgeiiniń eń kóp tómendeýi Ońtústik-Shyǵys Aziia (31%) men Eýropada (17%) tirkelgen. Onymen bir mezgilde Afrikada kerisinshe, 25 paiyzǵa artqan. Soltústik jáne Ońtústik Amerika tirkelgen oqiǵalar sany jaǵynan kósh bastap tur – munda ótken aptada indetti juqtyrý kórsetkishi 1,1 millionǵa jetken. Ekinshi orynda Ońtústik Shyǵys Aziia ornalasqan (bir millionnan astam jańa oqiǵa). Úshinshi orynda - Úndistan (914 myńnan astam adam).
DDSU sondai-aq 2021 jylǵy 7 maýsymdaǵy jaǵdai boiynsha, álemde koronavirýs infektsiiasyna qarsy vaktsinanyń 2,09 million dozasy salynǵanyn qosyp ótti.
