Foto: Aqorda
Davosta ótken Beibitshilik keńesiniń Jarǵysyna qol qoiý rásiminde Memleket basshysy men Amerika Prezidenti arasyndaǵy qysqasha áńgimeniń mazmuny jariialandy, dep habarlaidy Ult.kz.
«Qasym-Jomart Toqaev Davos forýmynda taratylǵan «Prezident Donald Tramptyń 365 kún ishindegi 365 jeńisi» dep atalatyn resmi qujattyń 177-tarmaǵynda Qazaqstannyń Ibrahim kelisimderine qosylǵany jetistik retinde kórsetilgenine nazar aýdardy.
Budan bólek, Prezident Amerika kóshbasshysyna aqyl-parasatqa negizdelgen ishki saiasatty júzege asyrýda tabys tiledi.
Donald Tramp Beibitshilik keńesin qurý týraly bastamasyna qoldaý kórsetkeni úshin Qasym-Jomart Toqaevqa alǵys aitty», - dep jazdy QR Prezidentiniń kómekshisi – Baspasóz hatshysy Rýslan Jeldibai.
