Búgin «Astana» FK ofisinde klýbtyń jańa atqarýshy direktory tanystyryldy.
Bul laýazymǵa David Loriia keldi, dep habarlaidy "Ult aqparat" klýbtyń resmi saityna silteme jasap.
David Grigorevich Loriia – qalalyq fýtbol mektebiniń tárbielenýshisi, Qazaqstan quramasy rekordshylarynyń biri. Loriia 2009 jyldan beri qazaqstandyq «Jeńis», «Esil», «Shahter», «Ertis», «Qairat», «Ordabasy» jáne «Lokomotiv» quramynda óner kórsetip, komandamen kúmis medaldardy jeńip aldy, sondai-aq túrik «Rizespor», «Qarshiiaka», shved «Halmstad» jáne reseilik «Spartak Nalchik» komandalarynda da boldy. Eks-qaqpashynyń esebinde barlyǵy úsh chempiondyq ataq bar.
Qazaqstan jastar quramasy sapynda júrgende Loriia Nigeriiada ótken Álem chempionatyna qatysty, ulttyq qurama sapynda David 45 match oinady.
2019 jyly sporttaǵy mansabyn aiaqtaǵan soń, jas maman menedjmentti oqytý boiynsha qurama komandalardyń burynǵy oiynshylary úshin qurylǵan UEFA MIP fýtbol menedjmenti baǵdarlamasy boiynsha kýrsqa qabyldandy.
