Mańǵystaý oblysynda Kaspii teńiziniń Túpqaraǵan shyǵanaǵynda quiyndy jel porttaǵy 7 barjany zákirinen úzip áketti. Oqiǵaǵa qatysty málimetti QR Indýstriia jáne infraqurylymdyq damý ministrligi berdi, dep habarlaidy "Ult aqparat".
«Nashar aýa raiynan Túpqaraǵan shyǵanaǵyndaǵy Baýtino portynda zákir shynjyrynan 7 barja úzilip ketti. Boljamdy ýaqyt – 26 aqpan, saǵat 03.00. Daýyldy jel men muz barjalardyń jaǵadan alystaýyna alyp keldi.
Qazir barjalar Baýtino portynyń soltústigi - Qulaly aralyna qarai qalqyp jyljýda. Olardy qaitarý úshin býksirler jiberildi.
Zardap shekkender joq. Teńizde júzý qaýipsizdigine qater tóngen joq, sondai-aq sýdyń lastanýy tirkelmedi», - dedi ministrlikten.
