QR Prezident Ákimshiligi Basshysynyń birinshi orynbasary Dáýren Abaev «Ashyq dialog» suhbatynda Áleýmettik kodeks qabyldaý elge ne beretinin aitty, dep habarlaidy QazAqparat.
«Biz – áleýmettik memleketpiz. Muny Prezident únemi aityp júr. Biraq taiaqtyń ekinshi ushynda ádildik máselesi, qaiyrymdylyq qaiǵidaty emes, ádildik qaǵidaty tur. Memleket pen azamattardyń «ymyraly jaýapkershiligi» degen printsip engizilip jatyr. Mysaly, ult saýlyǵy máselesinde memleket meditsnalyq qyzmetterdiń qoljetimdi ekojúiesin damytýda. Al azamattar óz densaýlyǵyna kóbirek jaýapkershilikpen qaraýy kerek. Batys elderinde meditsinalyq saqtandyrý quny sportpen ainalysatyn adamdar úshin áldeqaida arzan. Donorlyq organdar kezeginde de olar basymdyqqa ie tizimge kiredi», - dedi Dáýren Abaev.
Sonymen qatar ol áleýmettik járedamaqylardyń mólsherin kóterýdiń túbi jappai masyldyqqa uryndyrýy múmkin ekenin eske saldy.
«Taǵy bir másele, áleýmettik járdemaqyny tabys retinde qabyldaýdy qoiý kerek. Bul bir kezeńde jiberip alǵan tabystyń ornyn basatyn ýaqytsha ótem ǵana. Bizde áleýmettik qoldaý salasyn synaýshylar kóp. Olarǵa salsańyz, tólemderdiń mólsherin arttyrý kerek. Kelisem. Biraq, bir jaǵynan tólemderdiń mólsheri kótergen boida adamdardyń eńbek etýge degen qulshynysy azaiady. Járdemaqy tabyspen birge ósip otyrýy kerek. Bir jaǵynan bul jaǵymsyz qisyn shyǵar, biraq shyndyq osy. Bizge kedeilik týraly kózqarasty ózgerýt qajet. Kedeilik – úkim de, tańdaý da emes. Bul – ómirdegi kúrdeli kezeń. Adamǵa qiyn kezeńderde tynys alatyn múmkindik kerek. Memleket osy turǵyda qoldaý kórsetýge mindetti bolady», - dedi Prezident Ákimshiligi Basshysynyń birinshi orynbasary.
