«Rýhani jańǵyrý» baǵdarlamasy kóptegen ózekti máseleni kóterdi. Dástúrimizdi bilý jetkiliksiz, ony qorǵaýymyz kerek. Bul týraly «Rýhani damý jáne ulttyq dástúrlerdi saqtaý» taqyrybynda ótken dóńgelek ústelde QR Parlamenti májilisiniń depýtaty, saiasattanýshy Berik Ábdiǵaliuly aitty, dep habarlaidy QazAqparat.
«Rýhani jańǵyrý» baǵdarlamasynyń basty maqsaty – ulttyq quldyraýdan aman alyp qalý. Búgingi kúni jastarmen sanasýymyz kerek. Jastardyń sanasy ózgerek. Olardyń sanasyna rýhani qundylyqtardy qalai engizýge bolady? Bul óte úlken jumys.
Alashordashylar kezinde Japoniiany bekerden beker mysalǵa keltirmegen. Japoniianyń negizgi qaǵidasy – ulttyq qundylyqtaryn saqtai otyra álemdegi ozyq úrdisterdi boiyna sińirip aldy. Osy turǵyda «Rýhani jańǵyrý» baǵdarlamasy kóptegen ózekti máseleni kóterdi. Dástúrimizdi bilý jetkiliksiz, ony qorǵaýymyz kerek», - deidi saiasattanýshy Berik Ábdiǵaliuly.
Onyń aitýynsha, bizdiń kóp salt-dástúrimiz ekzotikaǵa ainalyp barady.
«Qala báribir óziniń zańdylyǵyn jasaidy. Mysaly, qazirgi ýaqytta qalada bári qazaqsha sóileidi, biraq is-qimyl eýropalyq bolyp ketken. Ultty ult qylyp otyrǵan tilimiz ǵana emes, ol salt-dástúrimiz, dinimiz ben dilimiz. Osyny qalai jastarǵa beiimdei alamyz, osy jaǵyn oilaýymyz kerek. Osy jaǵyn zerttep kórýimiz kerek», - deidi ol.
