Qazaqstan Respýblikasynyń Memlekettik hatshysy Gúlshara Ábdiqalyqova «Daryn» memlekettik jastar syilyǵyn tapsyrý rásimine qatysty.
Memlekettik hatshy Qazaqstan Prezidenti Nursultan Nazarbaevtyń «Kez kelgen el óziniń keleshegin óskeleń urpaǵymen bailanystyrady» degen sózine toqtaldy. Elbasy jastarǵa árdaiym qoldaý kórsete otyryp, memlekettik jastar saiasatyn damytý isin elimizdiń negizgi basymdyqtarynyń biri retinde belgilep berdi. Memleket basshysynyń Jarlyǵymen 2019 jyl Jastar jyly bolyp jariialandy.
– Bul ozyq damyǵan 30 eldiń qataryna qosylý jónindegi «Qazaqstan-2050» strategiiasynyń basty maqsatyna qol jetkizýde jastardyń mańyzdy ról atqaratynyn kórsetedi, – dedi G.Ábdiqalyqova.
«Daryn» memlekettik jastar syilyǵy 1992 jyldan beri túrli saladaǵy ádebiet, ǵylym, dizain jáne beineleý óneri, jýrnalistika, klassikalyq mýzyka, qoǵamdyq qyzmet, sport, teatr jáne kino, estrada, halyq shyǵarmashylyǵy siiaqty 10 nominatsiia boiynsha berilip keledi. Oǵan 200-den asa talantty jastarymyz ie boldy. Bul syilyq ár jyldary Amanjol Áltaev, Dármen Sadýaqasov, Maksim Zdorovets, Mariia Mýdriak, Denis Ten, Ádil Ahmetov siiaqty belgili tulǵalarǵa, «Ulytaý» shyǵarmashylyq ujymyna jáne basqalarǵa berildi.
2018 jyly 20 jeńimpazǵa «Daryn» memlekettik jastar syilyǵy laýreaty» ataǵy berilip, diplom, tósbelgi jáne ár nominatsiia boiynsha 600 000 teńge aqshalai syiaqy tapsyryldy.
Laýreattar arasynda «Kók týdyń jelbiregeni» degen taqyryppen ótken respýblikalyq jas aqyndar aitysynyń jeńimpazy Birjan Baitýov, elimizdiń úzdik jas fleitashylarynyń biri Roza Soltyhanova, bokstan álem chempiony Qairat Eráliev, «Arý-Tas» JShS direktory Bekjan Álimqulov, Biotehnika ulttyq ortalyǵynyń genetika jáne biohimiia mikrodeneleri zerthanasynyń ǵylymi qyzmetkeri Jiger Aqyshev, synshy, ádebiettanýshy Baǵashar Tursynbaiuly, tanymal aqyn Merei Qart jáne basqa da azamattar bar.
Rásim sońynda Qazaqstan Respýblikasynyń Memlekettik hatshysy Gúlshara Ábdiqalyqova laýreattardyń bárine densaýlyq, baq-bereke jáne el igiligi jolyndaǵy jumystaryna tabys tiledi.
Uqsas jazba:
