Tótenshe jaǵdailar ministri Iýrii Ilin qazaqstandyqtardy Darmen qosymshasyn paidalanýǵa shaqyrdy, dep habarlaidy "Ult aqparat".
«Tsifrlandyrý tolqynan qalmaý úshin biz Darmen mobildi qosymshasyn ázirledik. Ol halyqqa tótenshe jaǵdai qaýpi týraly 5 sekýnd ishinde habar beredi. Mysaly, magnitýdasy 4 ball jáne odan joǵary jer silkinisi kezinde seismodatchikter iske qosylyp, qosymsha azamattardyń smartfondaryna avtomatty túrde habarlama jiberedi», - deidi vedomstvo basshysy.
Onyń aitýynsha, Darmen qosymshasy aýa raiy qubylmaly kezeńde jol júrýshilerge taptyrmaityn kómekshi bola alady.
«Qosymsha joldardyń jabylýy, bilim oshaqtarynda sabaqtardyń toqtatylýy týraly aqparatty ǵana emes, sonymen qatar avtobýs, ushaqtar men poiyzdardyń jol júrý kestesin usynady. Qazir mobildik qosymshany paidalanýshylardyń jalpy sany eki júz myńnan astam adamdy quraidy, tek 2020 jyly 90 myńnan astam adam tirkelgen. Osyǵan bailanysty barlyq qazaqstandyqtardy Darmen qosymshasyn tegin júktep, belsendi paidalanýǵa shaqyramyn», - dedi Iýrii Ilin.
