Darhan Medeǵaliuly Jazyqbaev Qazaqstan Respýblikasynyń Memlekettik qyzmet isteri agenttigi tóraǵasy laýazymyna taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
«Darhan Medeǵaliuly Jazyqbaev Qazaqstan Respýblikasynyń Memlekettik qyzmet isteri agenttigi tóraǵasy laýazymyna taǵaiyndalsyn» delingen Prezident Jarlyǵynda.
Darhan Jazyqbaev 1976 jyly dúniege kelgen.
Ál-Farabi atyndaǵy Qazaq ulttyq ýniversitetin, QR IIM Qostanai zań institýtyn bitirgen. Filosof, filosofiia pániniń oqytýshysy, zańger. Filosofiia ǵylymdarynyń kandidaty.
Qazaqstan Respýblikasy Ishki ister ministrliginiń Almaty zań institýtynda, akademiiasynda oqytýshysy, Ishki ister ministrliginiń erekshe tapsyrmalar jónindegi aǵa inspektory, QR IIM akademiiasy Kadrlar jumysy bóliminiń bastyǵy, Parlamenti Senaty Apparaty Ákimshilik bólimi meńgerýshisiniń orynbasary, Kadr jumysy jáne memlekettik qupiialardy qorǵaý bóliminiń meńgerýshisi; «KEGOC» AQ basqarma tóraǵasynyń keńesshisi; Qazaqstan Respýblikasy Parlamenti Senaty Apparaty Basshysynyń orynbasary, Qazaqstan Respýblikasy Prezident Ákimshiliginiń Ishki saiasat bólimi meńgerýshisiniń orynbasary bolyp qyzmet istegen.
2019 jylǵy maýsymnan beri Qazaqstan Respýblikasy Memlekettik qyzmet isteri agenttigi tóraǵasynyń orynbasary bolyp eńbek etti.
«Qurmet» ordenimen, eki medalmen marapattalǵan.
Aita keteiik, buǵan deiin Memleket basshysynyń Jarlyǵymen Anar Jaiylǵanova Qazaqstan Respýblikasy Memlekettik qyzmet isteri agenttiginiń tóraǵasy qyzmetinen bosatyldy.
