Túrkistan oblysynyń ákimi Darhan Satybaldy qurylys merziminen keshikken nysandardy jappai tekserip, mindettemelerge qulyqsyzdyq tanytqandardy quzyrly organdardyń quzyretine tapsyrýdy júktedi.
Túrkistandaǵy birneshe turǵyn úi qurylysyn aralaǵan oblys basshysyna jaýaptylar jumys barysynda kezdesken kei kedergilerdi eńsere almaǵanyn alǵa tartty. Qurylys materialdarynyń qymbattap, shekaradaǵy shekteýlerdiń bolǵanyn aitty. Alaida aimaq basshysy istiń sońyn siyrquiymshaqtatyp jibergen áleýmettik mańyzy zor nysandardyń jaýaptylaryna kompaniianyń táýekelge baryp, qurylysqa kirispes buryn onyń qanshalyqty tiimdi ekenin zerdeleitinin eske saldy.
«Sizderdi májbúrlegen eshkim joq. Merzimnen keshigip, salbyrlyqqa salynyp júrgenderge eskertý berilgen. Erteńin oilamai, birneshe nysandy moinyna alyp, jónimen bitire almai otyrǵandarǵa keshirim bolmaidy. Maǵan syltaý aitýdyń qajeti joq. Bul - jaýapsyzdyq. Ár nysannyń artynda halyqtyń turǵanyn umytpańyzdar. Talapqa baǵynbaityndardyń jyryn sozbai, quzyrly organdardyń quzyretine tapsyryńyzdar», - dedi oblys ákimi Darhan Satybaldy.
Oblys basshysy Túrkistan qalasyndaǵy qurylys alańdaryn aralap, jaýapty basshylarǵa naqty tapsyrmalar júktedi. Igerilgen qarjy men atqarylǵan jumystyń aiyrmashylyǵyn esepteýdi mindettedi. Qurylys qarqynyn údetýdi tapsyrdy.
Qazirgi tańda oblys ortalyǵynyń ákimshilik-iskerlik ortalyǵynda 5, 7, 9, 12 jáne 20 qabatty 60 turǵyn úi boi kóterdi. Sondai-aq ákimshilik ǵimaraty bar 20 qabatty turǵyn úi qurylysy aiaqtalýǵa jaqyn.
«Kerýen sarai» turǵyn úi kesheniniń qurylysyna 500 adam jumyldyrylǵan. 4,5 ga jerde ornalasqan zamanaýi baspanalar kesheni jyl sońynda paidalanýǵa beriledi dep kútilýde.
