El Prezidentiniń Qazaqstan halqyna Joldaýynda aitylǵan «Jaily mektep» jalpyulttyq jobasynyń júzege asýy Túrkistan oblysynyń ákimi Darhan Satybaldynyń jiti baqylaýynda. Ulttyq jobanyń negizgi sharttary maquldanǵanyn aitqan oblys ákimi salaǵa jaýapty basshylarǵa qurylysy 2023 jyly bastalatyn mektepter boiynsha máselelerdi jedel sheshýdi tapsyrdy. Sondai-aq ol mektepterdi sapaly jyldamdyǵy joǵary internetpen qamtamasyz etip, oqý protsesin tsifrlandyrýǵa qajetti sharalardy shuǵyl júzege asyrýǵa nazar aýdardy.
Jalpyulttyq joba aiasynda jańa formattaǵy mektepter salý josparlanǵan. Ázirge 62 mektep salý boiynsha jumystar júrgizilip jatyr. Onyń jartysy keler jyly salynady. Jer bólý máselesi sheshilgen.
Jańa úlgidegi mektepter salý úshin jer telimderin bólý, injenerlik júielerin júrgizý, pedagogtermen qamtý jáne ýaqytynda qurylysyn aiaqtaý syndy tapsyrmalar mindetteldi. Osy arqyly úsh aýysymdy, apatty, eskirgen mektepter sanyn joiý kózdelgen.
«Prezident Qasym-Jomart Toqaev Qazaqstan halqyna Joldaýynda árbir oqýshynyń bilim alyp, jan-jaqty damýy úshin «Jaily mektep» ulttyq jobasy qolǵa alynǵanyn aitqany belgili. Bul – erekshe joba. Baǵyt – aiqyn. Zamanaýi mektepterdiń qurylysyn barynsha tezdetý úshin jyl sońyna deiin jer, infraqurylym máselesi tolyq sheshilýi tiis. Bul joba bilim sapasyn arttyrýǵa mol múmkindik beredi. Jaily mektepterde balalarǵa barynsha qolaily jaǵdai jasalady. Óńirde demografiialyq ósim joǵary. Sondyqtan óskeleń urpaqty sapaly bilimmen qamtý asa mańyzdy», – dedi oblys ákimi Darhan Satybaldy.
2023-2025 jyldarǵa arnalǵan respýblikalyq biýdjettiń jobasynda osy maqsatta 400 mlrd. teńgeden astam qarajat bólinedi. Joba aiasynda ashylǵan mektepter zamanaýi qurylǵylarmen tolyq jabdyqtalady. Zerthanalarmen qamtamasyz etiledi. Bastaýysh synyptaryna arnalǵan jeke blog bolady. Maqsat – oqýshylar men oqytýshylarǵa qolaily ári qaýipsiz jaǵdai jasaý jáne bilim berý qyzmetiniń sapasyn arttyrý.
Atalǵan mektepterdiń qurylys jumystaryna bedeldi ári básekege qabiletti kompaniialar tartylady. Sonymen birge jumys barysy qatań qadaǵalanady. Ol iske asa bilikti tehnikalyq qadaǵalaýshylar shaqyrylmaq. Sondai-aq bul mektepter halyq kóp shoǵyrlanǵan aýmaqtarda ornalasady.
Darhan Satybaldy aýdan, qala ákimderi men jaýapty basqarma basshylaryna «Jaily mektep» jobasy boiynsha salynatyn mektepterdi salýǵa daiyndyqty pysyqtaýdy, osyǵan qatysty árbir jumysty jaýapkershilikpen atqarýdy tapsyrdy.
