Ordabasy aýdanynda ornalasqan «Bógen» sý qoimasynda aǵymdaǵy jóndeý jumystary bastaldy. Strategiialyq mańyzy bar nysandarda jyl saiyn arnaiy zertteý jumystary júrgiziletini belgili. Soǵan sáikes, sý qoimasynda tiisti sharalar qolǵa alyndy. Túrkistan oblysynyń ákimi Darhan Satybaldy «Bógen» sý qoimasynyń jai-kúiimen tanysyp, jóndeý jumystarynyń barysyn baqylaý úshin arnaiy keldi.
Jaýapty sala basshylaryn muqiiat tyńdap, naqty tapsyrmalar júktedi. Nysandy merziminde sapaly etip tapsyrý talabyn qoidy. Jóndeý jumystaryna jergilikti biýdjetten tiisti qarjy bólýdi tapsyrdy.
«Strategiialyq mańyzy bar nysannyń jóndeý jumystary asa úlken jaýapkershilikti talap etedi. Óńirdiń aýyl sharýashylyǵy úshin sý qoimanyń bereri mol. Sondyqtan jaýaptylarǵa qoiylar talap ta kúshti. Qaýipsizdikti saqtaý - basty maqsatymyz. Jóndeý jumystarynyń ár satysy jan – jaqty ári turaqty baqylaýda bolady», - dedi oblys ákimi Darhan Satybaldy.
Túrkistan oblysy aýyl sharýashylyǵynyń bai aimaqtarynyń birine jatady. Respýblikadaǵy sýarmaly jerlerdiń 3/1 bóligi oblysqa tieseli (548,2 myń gektar) jáne 70 myń agroqurylymdarda 180 myńǵa jýyq adam eńbek etýde.
1967 jyly salynǵan «Bógen» sý qoimasy sý sharýashylyǵy nysandary strategiialyq obektiler tizbesine jatqyzylǵan. Aýmaǵy - 65 km2, uzyndyǵy 13 km, eni 6 km, tereńdigi 15 m. Bógen sý qoimasynyń sý syiymdylyǵy – 370 mln tekshe metr. Arys, Bógen ózenderiniń sýymen tolyǵady.
