Foto: primeminister.kz
QR Úkimetiniń qaýlysymen Darhan Jumaqanuly Ahmed-Zaki QR ǵylym jáne joǵary bilim vitse-ministri bolyp taǵaiyndaldy, dep habarlaidy "Ult aqparat" primeminister.kz saityna silteme jasap.
Darhan Ahmed-Zaki 1981 jyly Shyǵys Qazaqstan oblysynda dúniege kelgen.
Ál-Farabi atyndaǵy Qazaq Memlekettik ýniversitetin, Q. Sátbaev atyndaǵy Qazaq Memlekettik Tehnikalyq ýniversitetin bitirgen.
Eńbek jolyn 2002 jyly Almaty qalasyndaǵy Respýblikalyq meditsina kolledjinde fizika jáne matematika pánderiniń oqytýshysy bolyp bastaǵan.
2003 jyly Jańaózen qalasynda «Qazaqoil» JAQ tehnologiialyq zertteýler ortalyǵynyń injener-baǵdarlamashysy bolyp jumys istedi.
2004-2012 jyldary – Ál-Farabi atyndaǵy QazUÝ mehanika-matematika fakýltetiniń assistenti, oqytýshysy, aǵa oqytýshysy, dotsenti, dekannyń oqý-tárbie jumysy jónindegi orynbasary, «Informatika» kafedrasynyń meńgerýshisi.
2012-2013 jyldary – Ál-Farabi atyndaǵy QazUÝ mehanika-matematika fakýltetiniń dekany.
2013-2016 jyldary – Ál-Farabi atyndaǵy QazUÝ oqý jumysy jónindegi prorektor.
2016-2017 jyldary – QR Bilim jáne ǵylym ministrliginiń Joǵary jáne joǵary oqý ornynan keiingi bilim departamentiniń direktory.
2017-2020 jyldary – Halyqaralyq biznes ýniversitetiniń prezidenti.
2020-2022 jyldary Astana IT University rektory.
2022-2023 jyldary QR Ǵylym jáne joǵary bilim ministrliginiń Ǵylym komitetiniń tóraǵasy.
