Dárigerler óte aýyr hálde jatqan 322 patsienttiń betin beri qaratty. Bul týraly QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy QazAqparat.
«Qazaqstanda koronavirýs infektsiiasynan 97 patsient kóz jumdy. Bul koronavirýs ólimniń negizgi sebebi bolǵan jaǵdailar. Buǵan qosa, infarkt, insýlt, okologiialyq aýrýlar syndy negizgi dertterden 54 adam qaitys boldy. Olarda koronavirýs infektsiiasy bolǵanymen janama potologiia sanalady», - dedi ol Ortalyq kommmýnkatsiialar qyzmetindegi brifingte.
Onyń dereginshe, sáýir aiynda koronavirýstan ólim-jitim 1,3-14 paiyz bolǵan. Qazirgi ýaqytta simptomsyz jaǵdaidardy esepke alǵannyń ózinde 0,6-0,6 paiyz ǵana bolyp otyr.
«Iaǵni, bul dárigerlerimizdiń koronavirýs infektsiiasyn emdeýdiń ádisterin meńgerip, qarqyndy terapiianyń barlyq ádisterin qoldaný arqyly aýrýdyń aldyn alý úshin jumys istep jatqandyǵyn bildiredi. 322 patsient reanimatsiia bólimshesinen beiindi bólimshelerge aýystyryldy. Bul patsientter óte aýyr hálde jatqan edi», - dedi Lázzat Aqtaeva.
