Densaýlyq saqtaý vitse-ministri Viacheslav Dýdnik dárigerler jas qazaqstandyqtardyń "virgo" dárejesi jaily bilýi kerek dep esepteidi, dep habarlaidy "Ult aqparat" Stan.kz aqparat agenttigine silteme jasap.
Vitse-ministrdiń aitýynsha, bul – meditsinalyq tekseris kezindegi qalypty protsedýra.
“Eger stýdentterdiń gastrit, ýrolitiia syndy basqa diagnozy jazylǵan aqparat tarasa, mundai másele týyndar ma edi? Derbes derekterdi saqtaý týraly zań bolǵanymen, tekserý júrgizý standarty da bar. Eger áiel jynystyq qatynasqa tússe, floraǵa, jynystyq infektsiialarǵa taldaý jasap, kontratseptsiia ádisterin talqylaý kerek. Bul dárigerdiń quzyretine kiredi. Dáriger ony naýqastyń ambýlatoriialyq kartasyna jazyp, tirkeýge tiis. Bul anamnezdi jinaýdyń standart protsedýrasy”, – dedi vitse-ministr.
Vitse-ministr dárigerler jynystyq jolmen beriletin aýrýlar, týberkýlez, onkologiiamen aýyratyndardyń da tizimin júrgizetinin atap ótti. Mundai aqparat azamattar úshin de mańyzdy.
“Siz bizge bul derekterdi jinamaýdy, teksermeýdi usynyp tursyz ba? Biz sýperaqparattandyrý kezeńinde ómir súrip jatyrmyz jáne bul málimetter derbes derekter týraly zańmen qorǵalýy kerek”, – dep naqtylady Dýdnik.
Ol sondai-aq densaýlyq saqtaý ministrligi "pák qyzdardyń" tizimin jalpy chatqa salyp jibergen medbikeniń jaǵdaiynan habarsyz ekenin atap ótti.
Eske salaiyq, buǵan deiin densaýlyq saqtaý ministri Aqmaral Álnazarova QazUÝ-daǵy "pák qyzdar" tizimi jariialanyp, janjal týǵannan keiin vedomstvo qajetsiz tizimderdi, onyń ishinde qazaqstandyqtardyń intimdik statýsyn suraýdan bas tartýǵa nietti ekenin málimdegen.
Al Qazaqstan Ishki ister ministriniń orynbasary Igor Lepeha "pák qyzdar" tizimi jariialanǵanda derbes derekter týraly zań buzylǵanyn aitqan edi. Ol zardap shekken stýdentter ótinish jazsa da, jazbasa da qylmystyq jaýapkershilik qarastyrylatynyn aitty.
Eske salsaq, buǵan deiin Ál-Farabi atyndaǵy qazaq ulttyq ýniversitetinde “pák” qyzdardyń tizimi tarap ketkeni týraly jazǵan edik. Keiin stýdentterdiń jeke derekterin taratqan adam meditsinalyq qyzmet kórsetetin mekemeniń qyzmetkeri ekeni anyqtaldy.
