Almatyda №7 klinikalyq aýrýhanada kúzetshini soqqyǵa jyǵyp, dárigerdi balaǵattaǵan 36 jastaǵy turǵyn qamaýǵa alyndy, dep habarlaidy "Ult aqparat".
Oqys oqiǵa 8 mamyr kúni №7 qalalyq klinikalyq aýrýhanada boldy. Almaty turǵyny kúzetshiniń murnyn syndyryp, qabyldaý bóliminiń hirýrg dárigerine til tigizdi.
№7 qalalyq klinikalyq aýrýhananyń baspasóz qyzmeti málim etkendei, er adam aýrýhanaǵa túsken áieline erekshe qaraýlaryn talap etti.
Qoǵamdyq orynda jáne qyzmettik mindetterin atqarý kezinde ar-namys pen abyroiyn qorlaǵany úshin dáriger politsiiaǵa shaǵym túsirdi.
Sot otyrysynd er adam kinásin moiyndap, quqyq buzýshylyq faktisin rastady. Ol istegen isine ókinip, sottan qatań jazalamaýdy surady.
Almaty qalalyq mamandandyrylǵan aýdanaralyq ákimshilik soty QR ÁQBtK-niń 434-babynyń 1-bóliginde kózdelgen ákimshilik quqyq buzýshylyq jasaǵany úshin kináli dep taný týraly sheshim qabyldady. Sot ony 5 táýlikke ákimshilik qamaýǵa alý týraly qaýly shyǵardy.
