Qazaqstandyq allergolog-immýnolog Rafail Rozenson vaktsina alǵannan keiin «paida bolatyn» bedeýlik pen chip salý týraly aqparattarǵa túsinikteme berdi, dep habarlaidy QazAqparat.
«1795 jyly Londonda doktor Djennerdiń adamdardy sheshekke qarsy egý naýqany bastalǵanyn eske salǵym keledi. El arasynda múiizi ósken adamdardyń sýreti shyqqan basylymdar taraǵan bolatyn. Taǵy bir basylymdarda vaktsinadan keiin adamnyń bir qulaǵy túsip, úshinshi kózi paida bolatyny týraly aqparattar shyqty. Chipteý týraly ańyz da sol toptamaǵa jatady, sol doktor Djennerden qalǵan «operanyń» jalǵasy», - dedi Rafail Rozenson Densaýlyq saqtaý ministrligi uiymdastyrǵan onlain dáriste.
Sarapshy ár dozaǵa chip salýdyń shyǵynyn esepteýdiń ózi qiyn degen ýáj aitty.
«Reseide vaktsinatsiia tamyz aiynda bastaldy. Meniń oiymsha, vaktsinaǵa qarsy shyǵyp júrgender vaktsina alǵandardyń ishinen úshinshi kóz paida bolǵan nemese sol qulaǵy túsip qalǵan bir de bir adamdy kórsete almaidy. Bul – qarapaiym vaktsina. Biz gepatitke, basqa da qalyń infektsiiaǵa qarsy ekpe alamyz. Vaktsinanyń bir dozasynyń quny 10-15 dollar desek, bul somaǵa eshkim ony chippen baiyta almaidy. Búginde álem boiynsha milliardtaǵan adam vaktsinanyń alǵashqy dozasyn aldy. Sonyń bárin chippen baiytýǵa tipti Bill Geitstiń de aqshasy jetpes edi. Bul - tolyq nonsens», - dedi immýnolog.
Dáriger vaktsina men bedeýliktiń qatysy týraly da aitty.
«Álem halqynyń 90-95% túrli vaktsina alyp otyr. Biraq sodan jer sharyndaǵy adamdardyń sany azaiyp jatyr ma? Kerisinshe kóbeigen ústine kóbeiip jatyrmyz. Meniń bala kezimde jer betinde 3 milliard adam bar bolatyn. Qazir – 8 milliard. Vaktsina tóńiregindegi daý-damaiǵa qaramastan kóbeiip jatyrmyz», - dedi Rafail Rozenson.
