Nur-Sultan qalasynyń ákimshilik ister boiynsha mamandandyrylǵan aýdanaralyq soty Aina Bakeevaǵa qatysty úkim shyǵardy, dep habarlaidy QazAqparat qalalyq sottyń baspasóz qyzmetine silteme jasap.
Dáriger Ákimshilik quqyq buzý kodeksiniń 434-baby 1-bólimimen (usaq buzaqylyq) kináli dep tanylyp, 10 táýlikke qamaýǵa alynǵan.
Sot úkimin Shymkent qalasynyń politsiia departamenti oryndaidy.
Sheshim zańdy kúshine engen joq.
Eske sala keteiik, eki kún buryn jelide astanadaǵy №58 mektepte 3-synyp oqýshysyna dárethanada jasyryn vaktsina salynǵany týraly video taraǵan edi.
Videodan Aina Bakeevanyń janyndaǵy áieldermen birge mektepke basa-kóktep kirgenin kórýge bolady.
Onda balalarǵa ata-anasyna aitpai vaktsina salynyp jatqany sóz bolady.
Keiinnen mektep basshylyǵy men balanyń anasy ondai jaǵdaidyń bolmaǵanyn, videonyń provokatsiia ekenin málimdedi.
