Nursultan Nazarbaevtyń úlken qyzy Dariǵa Nazarbaeva Gúlmira Kenjebolatovanyń týǵan kúnine arnalǵan keshte kórindi, dep habarlaidy ult.kz.
Bul týraly ánshi Tolqyn Zabirova áleýmettik jelidegi paraqshasynda jazdy.
Onyń aitýynsha, kesh barysynda Dariǵa Nazarbaevamen kezdesip, áńgimelesýge múmkindik bolǵan.
«Osy keshte Dariǵa Nursultanqyzymen de kezdesýdiń sáti tústi. Dissertatsiia qorǵaǵan jyldary Birinshi Prezident qorynyń bizge, ǵylymǵa umtylǵan jastarǵa kórsetken qoldaýy erekshe edi. Monografiialarymyzdy shyǵarýǵa múmkindik berdi. Sol qoldaýdyń mańyzy biz úshin óte zor boldy. Sol úshin rahmetimdi aityp, alǵysymdy bildirdim», – dep jazdy Tolqyn Zabirova.
Ánshi Dariǵa Nazarbaevamen kezdesip, ǵylym salasyndaǵy jastarǵa kórsetilgen qoldaý úshin alǵysyn bildirgenin atap ótti.
