Dáribaevtar otbasylyq ansambliniń negizin qalaýshy Ibragim Dáribaev dúnie saldy. Bul jaily belgili sazger, jýrnalist Bekjigit Serdáli habarlady.
"Qazaq estradasynda "Jas jubailar", "Aman bol", "Oq siiaqty", "Nurly arman", "Aitshy janym", "Sendei bolmaidy", "Súigenime" siiaqty tanymal ánderdi alǵash kassetamen taratqan Dáribaevtar otbasylyq ansambliniń negizin qalaýshy Ibragim Dáribaev dúnie saldy. Baqul bol, baýyrym... Asyl jary Áliiaǵa, ul-qyzdaryna qaiǵyra kóńil aitamyz", - dep jazdy Bekjigit Serdáli.
Ibragim Dáribaev 1959 jyly 11 sáýirde Ońtústik Qazaqstan oblysy, Tóle bi aýdany, Aqbastaý aýylynda týǵan. 1977-81 jyldary QazHTI-di mehanika mamandyǵyn oqydy. 2008 jyly Qaskeleń mýzyka kolledjiniń "Halyq aspaptar orkestri" mamandyǵy boiynsha oqyǵan.
Dáribaevtar otbasylyq ansambli 1990 jyly Shymkent qalasynda qurylǵan. Qazaq estradasynda alǵash kassetamen albom shyǵarǵan top. «Jas jubailar», «Aman bol», «Nurly arman», «Kelshi, janym», «Sendei bolmaidy», «Súigenime» t.b. ánderimen halyqqa tez tanyldy.
1991 jyly «Jas Qanat» baiqaýynda otbasylyq ansambl retinde júldeger atanǵan.
