Qytaidyń Siian qalasynda ótip jatqan Aziia chempionatynda Daniiar Qaisanov erkin kúresten jeńimpaz atandy, dep habarlaidy "Ult aqparat".
Qazaqstan kúres federatsiiasy málim etkenindei, D.Qaisanov 74 kg salmaqta top jardy.
Daniiar irikteý satysynda mońǵoliialyq Otgonbaiar Batsýridi 8:1 esebimen utty. Shirek finalda ózbekstandyq Artem Prisiajniýkty bet qaratpai jeńdi - 12:0.
Jartylai finalda bahreindik Adam Batyrovtan ailasyn asyrǵan D.Qaisanov sońǵy básekede úndistandyq Amit Kýmardyń 5:0 esebimen meselin qaiyrdy.
Ótken jyly Shyǵys Qazaqstan oblysynyń ókili D.Qaisanov Bishkekte Aziia chempionatynyń qola júldegeri atanǵan bolatyn. Sodan keiin Aziia oiyndarynda kúmis júldege qol jetkizdi. Endi, mine, altynnan alqa taǵyp otyr.
Búgin kúresken basqa balýandar júldege ie bola almady.
Osylaisha erkin kúresten Qazaqstan quramasynyń bas bapkeri Áset Serikbaevtyń shákirtteri 2 altyn, 1 kúmis jáne 2 qola medal jeńip aldy.
Eske sala keteiik, budan buryn qazaqstandyq erkin kúres sheberiniń Aziia chempiony atanǵanyn jazǵan bolatynbyz.
