Qazaqstandyq boksshy Daniiar Eleýsinov kelesi jekpe-jegin 6 maýsymda Londonda ótkizedi. Bul týraly Twitter jelisinde onyń promoýteri Eddi Hirn habarlady, - dep jazady Vesti.kz.
27 jastaǵy otandasymyz York Hall ortalyǵyndaǵy boks keshiniń anderkartynda judyryqtasady, bul keshtiń basty jekpe-jegi - Britan dostastyǵy chempiony jáne jartylai aýyr salmaqta WBA Continental chempiony titýly úshin Loýrens Okoli (8-0, 6 KO) men Liýk Ýotkinstiń (13-0, 9 KO) kezdesýi. Qazaqstandyqtyń qarsylasy ázirshe belgisiz.
Eske sala keteiik, búgin, 29 sáýirde Olimpiada chempiony qazaqstandyq Daniiar Eleýsinov kásipqoi bokstaǵy alǵashqy jekpe-jeginde qarsylasy Noa Kiddti nokaýtqa túsirgen edi. Eleýsinov - Noa kezdesýi alty raýndqa eseptelgen edi, alaida úshinshi raýnda aiaqtaldy. 27 jastaǵy qazaqstandyq qarsylasyn nokdaýnǵa túsirip, keiin soqqysyn údetken edi. Ekinshi nokdaýnnan keiin referi esep alyp, Eleýsinovke tehnikalyq nokaýtpen jeńisti berdi.
Daniiar Eleýsinovtiń kelesi jekpe-jegi qashan ótetini belgili boldy
