Keshe qazaqstandyq kásipqoi boksshy Daniiar Eleýsinov jartylai orta salmaqtaǵy tórtinshi jeńisine qol jetkizdi. Ol qarsylasyn nokaýtpen jeńgennen keiin álemdik reitingtegi ornyn jaqsartty, dep habarlaidy "Ult aqparat".
Eske sala keteiik, Bostondaǵy (AQSh) TD Garden arenasynda ótken boks keshinde jergilikti Mett Doertimen aiqasqan Eleýsinov birinshi raýndta-aq qarsylasyn tehnikalyq nokaýtpen jeńgen bolatyn.
Bul jeńis boksshynyń BoxRec.com saitynyń reitinginde birshama joǵarylaýyna jaǵdai jasady. 27 jastaǵy Olimpiada chempiony birden 39 saty kóterilip, 224-orynǵa shyqty.
Eske sala ketsek, Daniiar Eleýsinovtyń kelesi jekpe-jegi 24 qarashada Monakoda ótedi. Qazaqstandyqtyń kimmen judyryqtasatyny ázirge belgisiz.
