Olimpiada chempiony qazaqstandyq Daniiar Eleýsinov kásipqoi bokstaǵy alǵashqy jekpe-jeginde qarsylasy Noa Kiddti nokaýtqa túsirdi, - dep habarlaidy Vesti.kz.
Jartylai orta salmaqtaǵy jekpe-jek Niý-Iorktegi "Barklais" arenasynda ótip, keshtiń basty kezdesýi - orta salmaqtaǵy amerikalyq Deniel Djeikobs (33-2, 29 KO) pen poliak Matseei Sýletski (26-0, 10 KO).
Eleýsinov - Noa kezdesýi alty raýndqa eseptelgen edi, alaida úshinshi raýnda aiaqtaldy. 27 jastaǵy qazaqstandyq qarsylasyn nokdaýnǵa túsirip, keiin soqqysyn údetken edi. Ekinshi nokdaýnnan keiin referi esep alyp, Eleýsinovke tehnikalyq nokaýtpen jeńisti berdi.
22 jastaǵy Kidd karerasynda tuńǵysh ret jeńilip otyr - munyń aldynda ol úsh ret jeńiske jetip, bir ret teń túsken edi.
Daniiar Eleýsinov kásipqoi boksqa túbegeili naýryz aiynyń basynda aýysty. Oǵan deiin bir ret barýǵa bel býǵanmen, reti kelmegen edi. Ulybritaniialyq promoýter Eddi Hirnmen úshjyldyq kelisimshartqa qol qoiyp, kásipqoi bokstaǵy mansabyna jol ashyldy. Qazirgi tańda Eddi Hirn basqaratyn kompaniia quramynda asa aýyr salmaqta WBA Super, IBF jáne IBO chempiondyq ataqtaryna ie Entoni Djoshýa bar. Sondai-aq britandyq promoýter Raian Barnett (18-0, 9 KO) (WBA Super jáne IBF), Djeimi Makdonnell (29-2-1, 13 KO) (WBA), Halid Iafai (23-0, 14 KO) (WBA Super), Kell Brýk (37-2, 26 KO), Deniel Djeikobs (33-2, 29 KO) syndy boksshylarmen jumys jasaidy.
